فقط وحصريا وتحدى قصه ... " الاهلى والتحكيم " موسم 2010/2009

قصه ... " الاهلى والتحكيم " موسم 2010/2009

التوبيك ده اهداء لكل اللى بيقول الاهلى بيفوز بالحكام

تعالو شوفو الكلام ده وانا كمان دورت على الاهداف ع اليوتيوب علشان يبقى بالاثبات

الاهلى والتحكيم

مباراة الاهلى والحرس

هدف اول للحرس من تسلل واضح والغريب ان لاعب الحرس كان متسلل بحوالى 10 متر ولم يراه مساعد الحكم

الاهلى والمحلة

ضربة جزاء غير صحيحة والغريب انها كانت ضربة حرة للنادى الاهلى على لاعب المحلة ولكن احتسبت ضد احمد على

الاهلى وبتروجيت

هدف صحيح للنادى الاهلى برأس اللاعب فضل والكرة تجاوزت المرمى ولم يحتسبها الحكم

الاهلى والاتحاد

ضربتين جزاء للنادى الاهلى من لمستين يد لاحمد عادل فى مرتين متتاليتين
ولكن سمير محمود عثمان لم يراهم بالرغم من مواجهته للكرة مباشرة

الاهلى وبترول اسيوط

هدف صحيح لعماد متعب وألغاه الحكم بداعى التسلل

الاهلى والمصرى

الدور الاول تم طرد فرانسيس الذى لم يلمس عاشور الادهم فى الشوط الاول

الدور التانى

ضربة جزاء لصالح المصرى لعرقلة شديد قناوى

وضربة جزاء للنادى الاهلى من لمسة يد واضحه على النادى المصرى

الاهلى وطلائع الجيش

ضربة جزاء للنادى الاهلى وكان الاهلى متقدم بهدفين ولم تحتسب وتعادل الجيش فى نهاية المباراة

انشر الله يكرمك

التعليق ده لشخص على موقع فى الجول جايب الحاجات اللى الاهلى اتظلم فيها
وكانت بتغير نتيجه المباراه .. انا كمان دورت على الاهداف دى واللى لقيته
منهم جبته

اتفضلو الاهداف اهى

-1-

دى مباراه الاهلى والحرس 1/1 الدور التانى هدف الحرس اوف سايد "مركب" لان
اللى كان معاه الكوره من الاول خالص كان اوف سايد .. بناء عليه اللعبه
كلها اوف سايد

-2-

دى ضربه جزاء وهميه اخدها عبد الحميد شبانه فى مباراه المحله .. هو اللى
ضرب احمد على الاول .. وبعدها المحترم طلع لسانه !! طبعا قالك انا عرفت
ألبسهم ضربه جزاء اهووو

-3-

دى مباراه الاهلى وبتروجيت .. ده جول 100% لفضل لم يحسب مع ان الكوره تجاوزت خط المرمى بكامل محيطها ..

الهدف ده اللى اتلغى لولا ستر ربنا ان احمد حسن جاب للاهلى الفوز وعوض
الهدف ده فى اخر ثوانى المباراه !! شوفتو اخطاء الحكام بتغير نتائج ازاى
؟؟؟

لمستين اليد بتوع الاتحاد مع الاسف مش عرفت اجيبهم

-4-

مباراه الاهلى وبترول اسيوط

المباراه دى فيها مهااااااازل .. اولها الهدف السليم ده لمتعب اتحسب اوف
سايد .. وفى انفرادات كتيررررر اتحسبت اوف سايد كانت هتقلب النتيجه
والاهلى كان ممكن يعمل سكور كمان لو عايز

-5-

الاهلى والمصرى

الدور التانى

شديد قناوى فعلا ليه ضربه جزاء من محمد بركات

واحنا لينا ضربه جزاء من لمسه يد وووووووواضحه .. بس نقول ايه !!
مع الاسف مش لقيت الفيديوهات الخاصه بالباقى

اعتقد كده الرؤيا وضحت .. الاهلى مظلوم اهو فى مباريات كتير ولعاب كانت
هتغير نتائج مباريات !! ولو على مباراه انبى مره بقى من حقنا نادى يتظلم
بدالناااااااااااا ولا هو مفيش غير الاهلى اللى حقه يضيع !! ولما يبقى حد تانى يتظلم مره قصاد الاهلى تقوم القيامه !!!!

فى حد عنده رأى تانى ؟؟

كان لازم اعمل التوبيك ده .. علشان الناس كدبت الكدبه وصدقتها

وصلنا لدرجه محزنه .. ناس بتطلع بيانات شجب وادانه فى مباراه ليس لها بها علاقه ولا هما طرف فيها من اصله !!

صدقو الكدبه والوهم وافتكو الاهلى بيفوز بالحكام .. كان لازم ارد عليهم بالأدله والإثبات

مش ممكن نادى عنده 107 بطوله واكتر طول 103 سنه يفوز بحكام !!!!!!!! مش منطقى

والحاجات اللى جبتها دى نقطه فى بحر وفى غيرها كتيرررررر

فوقو بقى يا إخوانا وكله يشوف شغله ويعمل اللى عليه ويفوووووز .. كده هيبقى الافضل

انما موضوع الحكام والجو ده مجرد شماعه الناس بتعلق عليها فـــــــــشــــلـــــهـــــــا

دلوقتى بقى المنطق ان الحكم علشان يبقى كويس وعادل لازم يظلم الاهلى كده
مش هيتقال عليه اهلاوى !! بقى ده الصح ؟ ولو كان انبى اتظلم فى ماتش
الاهلى اتظلم فى 1000 ماتش من نفسنا مره يتظلم حد غيرررررررنا

وعلى رأى جوزيف بلاتر : الاخطاء التحكيميه فاكهه كره القدم !!! الفاكهه
تبقى رووووعه لما تكون ضد الاهلى .. ولو مره واحده الفاكهه دى مع الاهلى
يااااااااااااااااه تبقى كارثه !!

زائر

فعلا لان داه مش هينع كل يوم فى ماتش للاهلى يبقى نشوف الظلم ومصر مفهاش تحكيم فاحنا لازم نطالب من هنا بتحكيم جديد وخصوصا لمباريات القمة والفترة الباقية من الدورى

اكيد يا احمد بس برضو لازم منظلمش الحكام بردو ف ماتشات ف كل الدوريات الحكام بيظلمو كتير واخر حاجة ماتش تشلسى الحكم حسب لدروجبا جون اوف سايد ب 4 يردات برضوا احنا ارحم بكتير